शेतकऱ्याचं पोरं

123

उभ्या पहाटे निघतो शेतात जाया बोचतो रे काटा त्याच्या अनवाणी पाया साधंतो बांध घेउन फावडा खोरं कधी शिकुण मोठं होणार माझ्या शेतकऱ्याचं पोरं

दिस दिस सरकत जाई काळजी त्याच्या जीवाला खाई करपलेल्या रानालाच घालीत असे फेऱ्या कधी मोठा होनार हा शेतकऱ्याचा पोऱ्या

गाय शेळ्या पाळुन करतो रे जोड धंदा पाण्यावाचुन अवघड आहे रे हा फंदा थेंब थेंब साठवुनी भरत नाही रे डेरं कधी शिकणार माझ्या शेतकऱ्याचं पोरं

कोरडाच वाहतो समदा वारा तहान्या लेकरांचा जणु पोटाशी रे भारा कर्जापोटी बॅंकेकडं घातलरे लई फेरं कधी भाग्यवान होणारं माझ शेतकऱ्याचं पोरं

कधी पिकला माल पण नाही त्याला बाजार इथं चिटकला जणु सारा भ्रष्टाचाराचा आजार समदेच झाले रे लई चोरं कधी शिकुन मोठं होणार माझं शेतकऱ्याचं पोरं…